Penitenziali (Breto-)Gallesi > Ciclo di San Davide
PRAEFATIO GILDAE DE POENITENTIA
Galles, primi anni del sec. VI
Il Penitenziale, composto da 27 canoni di lunghezza diversa, é destinati sia al ceto monastico che alle gerarchie ecclesiastiche.
La tradizione lo attribuisce a Gildas († 570), fondatore di monasteri e contemporaneo di San Davide di Menevia.
Depone a favore della gallesità, non solo un apparato sanzionatorio più mite rispetto agli altri Penitenziali di origine celtica, ma anche la menzione di unità di misura di capacità romane (can. 1; can. 2).
Quest'ultimo é indubbiamente un sintomo che il testo fu redatto in un ambiente culturale latinizzato in cui si volevano evidenziare le differenze con gli Angli, i Sassoni, gli Juti, nuovi abitanti della Britannia, sbarcati sull'Isola dopo il ritiro delle legioni dell'Impero d'Occidente (BIELER L., The Irish Penitentials, Dublin 1975, 3).
INCIPIT PRAEFATIO GILDAE DE POENITENTIA
1. Presbyter aut diaconus faciens fornicationem naturalem, sive sodomitam, prolato ante monachi voto, III annis poeniteat, veniam omni hora roget, superpositionem faciat in unaquaque hebdomada, exceptis L diebus post passionem: pane sine mensura, et ferculo aliquatenus butyro impinguato die Dominico: caeteris vero diebus paximati panis mensura, et misoclo parvum impinguato. Horti oleribus, ovis paucis, Britannico formello utatur, Himina Romana factis pro fragilitate corporis istius aevi. Tenuclae vero vel Balthutae lactis sextario Romano. Sitis gratia et aquae talimpulo, si operarius est. Lectum non multo foeno instructum habeat. Per III quadragesimas superaddat aliquid prout virtus admiserit, semper ex intimo corde defleat culpam suam. Obedientiam pro omnibus libentissime excipiat. Post annum et dimidium Eucharistiam sumat, et ad pacem veniat, psalmos cum fratribus canat, ne penitus anima tanto tempore coelestis medicinae intereat.
2. Si quis inferiore gradu positus monachus, III annis poeniteat: sed mensura gravetur panis. Si operarius, sextarium de lacte Romanum, et alium de tenucla, et aquam quantum sufficiat pro sitis ardore sumat.
3. Si vero sine monachi voto presbyter aut diaconus peccaverit: sicut monachus sine gradu sic poeniteat.
4. Si autem peccatum voluerit monachus facere; anno et dimidio. Habet tamen abbas huius rei moderandae facultatem, si obedientia eius placita fuerit Deo et abbati suo.
5. Antiqui Patres XII presbytero, et VII diacono poenitentiae statuerunt.
6. Monachus furatus vestem vel aliquam rem II annis, ut supra, poeniteat, si iunior est; si senior, anno integro. Si vero monachus non fuerit, aeque anno et maxime in quadragesimis.
7. Si monachus exundante ventre evomuerit sacrificium in die, coenam suam non praesumat. Et si non infirmitatis causa, VII superpositionibus: si infirmitatis et non voracitatis causa, IIII superpositionibus deleat culpam.
8. Si autem non sacrificium, diei superpositione et multa increpatione plectatur.
9. Si casu negligens quis sacrificium aliquod perdat, per III quadragesimas poeniteat, relinquens illud feris et alitibus devorandum.
10. Si quis autem ebrietatis causa psallere non potest stupens elinguis, coena privatur.
11. Peccans cum pecode, anno; si ipse solus, III quadragesimas diluat culpam.
12. Qui communicaverit a suo abbate excommunicato, XL.
13. Manducans morticinam inscius, XL.
14. Sciendum tamen est quod quanto quis tempore moratur in peccato, tanto ei augenda poenitentia est.
15. Si cui imponitur opus aliquod, et contemptus gratia illud non fecerit, coena careat. Si vero oblivione, dimidium quotidiani victus.
16. Si autem sumat alterius opus, illud notum faciat abbati cum verecundia, excepto eo nullo audiente; et sic peragat, si iubetur.
18. Offensus quis ab aliquo, debet hoc indicare abbati, non tamen accusantis, sed medentis affectu, et abbas decernat.
17. Nam qui iram corde multo tempore retinet, in morte est. Si autem confitetur peccatum, XL ieiunet. Et si ultra in peccato persistat, duas XL. Et si idem fecerit, abscidatur a corpore sicut membrum putridum, quia furor homicidium nutrit.
19. Qui non occurrerit ad consummationem, canat VIII in ordine psalmos. Si excitatus veniat post missam; quidquid cantaverunt, replicet ex ordine, fratres. Si vero ad secundam venerit, coena careat.
20. Si quis errans commotaverit aliquid de verbis sacris ubi periculum adnotatur, triduanum aut III superpositiones faciat.
22. Si sacrum terratenus negligendo ceciderit; coena careat. Qui voluntate obsceno liquore maculatus fuerit dormiendo; si cervisa et carne abundat; coenubium est. III noctis horis stando vigilet, si sanae virtutis est. Si vero pauperem victum habet, XXVIII aut XXX psalmos canet stando supplex, cum opere extraordinario pendat.
23. Pro bonis regibus sacra debemus offerre, pro malis nequaquam.
24. Presbyteri vero pro episcopis non prohibentur offerre.
25. Qui arguitur pro aliquo delicto, et quasi inconsultans refrenatur, coena careat.
26. Qui sarculum perfrangit et ante fracturam non habuit, aut illud extraordinario opere restituat, aut superponat.
27. Qui viderit aliquem ex fratribus abbatis transgredi praecepta, debet abbatem non celare: sed ante admoneat peccantem, ut solus quod male agit confiteatur abbati, non tam delator, quam veritatis regulae exsecutor inveniatur.
